Torta 3 chocolates

Etiquetas

chocolates, fácil, rápida, tarta, tres

Adoro o chocolate! Para min non existe antollo de doce que non conteña algo de chocolate. Agora será cando a xente diga…a todo o mundo lle gusta o chocolate. Crédeme cando vos digo que non a todo o mundo…existe xente rariña por ahí que non disfruta deste placer de deuses. Este non é o caso do mozo da miña gran amiga Tania. A el encántalle o chocolate e é un dos máis ferventes admiradores dos meus postres. O nome deste blog ven un pouco a causa del, así como o motivo para facer esta tarta. El quería unha tarta con extra de chocolate e esta superou as súas expectativas e as de todo o grupo.

Respecto ó do nome do meu blog, resulta que un dos meus grupos de amizades chámanme de apelativo cariñoso Teixi. Por qué teixi? Pois porque é o diminutivo de Teixeira, o meu marabilloso pobo. Sempre falo do meu pobo e inchaseme o peito, porque é o máis bonito e o máis mellor do mundo; de ahí que usasen o meu diminutivo. Este blog naceu para evitar quedar con eles, levar un postre e pasar dez minutos copiandolle a receta a todos. Un día pensei que se creaba un blog, eles poderían acceder e eu podería ter unha compilación de receitas da que botar man. E aquí estamos…tentando sacar este proxecto adiante.

Ingredientes

• 3 sobres de callada
• 250 gr de chocolate negro/fondant
• 250 gr de chocolate con leite
• 250 gr de chocolate branco
• 750 ml  de nata
• 750 ml de leite
• 150 gr de azucre
• 1 paquete de galletas maría
• 1 cullerada de manteiga
• 1 chorriño de leite

Pasos

– Triturar as galletas coa manteiga derretida e o chorriño de leite.. Cubrir a base dun molde desmontable coa mistura.

– Poñer nun cazo 250 ml de leite, 250 ml de nata,  250 gr de chocolate negro, 75 gr de azucre e un sobre de callada. Ferver  a mistura remexendo para que non se pegue. Engadir ó molde.

– Repetir a operación cos outros dous chocolates tendo en conta que a mistura de chocolate branco non leva azucre. Botar cada capa unha vez callada a anterior.

Torradas con truco

Etiquetas

bolos, orixinais, receita, torradas

Nunca me gustaron as torradas. Lembro que cando na casa quedaba moito pan duro, miña nai preparaba as torradas mollando o pan en ovo e poñendoas a fritir. Lembro que estaban moi secas e que a códea quedaba dura. O caso é que unha mañá desas perdidas diante da tele, facendo zapping tratando de atopar algo interesante (tarea que sendo día de semana e sendo pola mañá é case imposible), de repente nunha das canles empezaron a facer estas torradas. O cambio do pan por biscoito e a idea de empapar primeiro o biscoito en nata parecéume incrible. Probei a facela e o resultado superou todas as miñas expectativas. Pode facerse con croissants, con pan de leite, con medias noites ou ata con pan de molde (preferentemente sen códea) e está realmente delicioso. Nin sequera parecen torradas!!!

Ingredientes

• 500 ml de leite
• 250 ml de nata
• Azucre
• 1 paquete de pan de leite
• 1 rama canela
• canela en po
• 2 ovos
• fariña

Pasos

– Mesturar o leite e a nata coa rama de canela e unha cullerada de azucre e poñer a ferver con coidado de que non se pegue. Deixar temperar

– Partir os bolos pola metade e remollar na mistura de leite.

– Quitar os bolos do leite, escorrelos un pouco e pasalos por fariña e ovo batido.

– Fritir as torradas en abundante aceite e sacar unha vez douradas. Poñer a repousar en papel de cociña para que saia o exceso de aceite.

-Espolvorear cunha mistura de azucre e canela en po.

Recomendacións persoaiss

-Pode usarse calquera tipo de bolo, croissant, medias noites….