Madalenas de laranxa con pebidas de chocolate

Etiquetas

chocolate, laranxa, madalenas

Hai veces que como diría miña nai…xúntase todo!!! E é que este ano no so se xuntou o entroido co día dos namorados, dia no que fai xa 10 anos naceu miña sobriña Ainhoa…tamén apareceu por sorpresa e sen ser invitado…un catarro deses que fan historia.

Dous días antes do 14 de febreiro espertei con dor de gorxa e compadecéndome de min mesma por ter que traballar un xoves de comadres. Eu, que tiña reservada a miña semaniña de días do 2014 para disfrutar do entroido…e co cambio de empresa quedei sen nada!!!! Ó longo da mañá, á dor de gorxa engadiuselle unha sensación de febre e nas dúas semanas seguintes fun sumando síntomas como a tose ou a conxestión nasal ata o venres pasado; no que farta xa de remedios caseiros e de acudir á farmacia para que me desen medicación que non me facía nada, acudín ó centro de saude onde a miña médica me deu xa outro tipo de drogas algo máis duras.

Advertisements

Bica blanca de Laza

Etiquetas

bica, biscoito, blanca, claras, Laza

Pasados xa os propósitos de ano novo de seguir unha dieta, rota xa por varias veces a promesa de non volver a comer doce ata baixar os quilos que se subiron no nadal e co ambiente cheirando a entroido…creo que é o momento xusto para compartir esta receita.

Seguro que a estas alturas todos escoitástedes falar do entroido de Ourense…dese triángulo máxico formado por Verín-Xinzo-Laza. Se nunca pasástedes un entroido nestas localidades, recoméndovolo moito. Concretamente o de Laza ainda está na miña lista de pendentes…porque o de ir ó que eles chaman farrapada, onde a xente se lía a tirar farrapos todos embarrados e formigas vermellas axitadas con un pouco de vinagre…. ainda me sigue impoñendo algo de respeto. O que si coñezo bastante é o entroido de Xinzo, onde as rúas se enchen de ledicia, de música e de xente e onde non fai falla ir acompañado, porque con un bo disfraz…todos son amigos!!!!

Phoskitos

Existe algo mellor no mundo que saber que vas coñecer a unha persoa que é a responsable de que a túa parella vaia polo mundo cheirando a hugo boss??? Unha persoa que polo seu traballo ten acceso a perfumes de todo tipo e que encima os regala como eu regalo un biscoito…ou sexa como se un perfume fose algo sen valor.

Souben da existencia deste ser incrible cando vin na casa do meu mozo un bote de hugo boss de 200 ml. Como me pareceu extraño o formato, preguntei de onde o sacara. A súa resposta foi: creo que mo regalou Carlos, é de 200 porque é formato téster. A miña cabeza comezou a fabricar preguntas á velocidade da luz: Quén é Carlos? Por qué che regala perfumes? Por qué de 200?? Por qué téster???Qué tipo de persoa regala un perfume deses???

Pois ben…resulta que Carlos é un amigo seu de toda a vida, que traballa no mundo da perfumería e que de vez en cando lle regala unha colonia ó meu mozo. Dende o día que souben da súa existencia, cada vez que o nombraba dicíalle que mo tiña que presentar, que eu quería coñecer a alguén que regala perfumes.

Bisocoito de chocolate para tartas

Etiquetas

biscoito, receita, torta

Un dos maiores problemas á hora de preparar unha torta é acertar co biscoito. Un biscoito demasiado aceitoso pode facerse forte, se é moi seco non estará moi bo e así un sen fin de problemas. Se a torta é para cubir de fondant…a cousa complícase, xa que os recheos para fondant non poden ser húmidos.

A busca do biscoito perfecto leva de cabeza a case todo o mundo. En cada blogue hai un biscoito que di ser infalible de base para tortas. O que publico hoxe é o biscoito de chocolate infalible de con un toque de azúcar. Non creo que sexa o biscoito de chocolate definitivo para as miñas tortas, pero sen dúbida dos que probei ata o momento é a mellor opción. Un biscoito firme e consistente, con moito sabor a chocolate, que soporta ben calquera tipo de recheo. Mentres sigo coa busca…aquí vos queda este!

Boliños suizos

Etiquetas

boliños, galego, receitas, suizos

Sempre que teño un tempiño libre e unha computadora con acceso a internet, acabo caendo no vicio. Ese vicio raro que me leva a entrar en google e buscar se hai receita para algo que se me acaba de pasar pola cabeza, ou ese de entrar unha e outra vez nas páxinas que gardo como interesantes. Teño todo un sistema montado de marcadores en google chrome para as receitas que quero probar a facer e os blogues de repostería que sigo. E non é por casualidade o de telo en chrome…é simplemente porque así sincronizo todos os meus equipos coa conta de google e aparécenme os marcadores en todos os dispositivos que teño (que son varios…o vicio…xa se sabe).

Biscoito de Baileys

Etiquetas

baileys, biscoito, galego, receita

Cando vin a receita deste biscoito no blogue de kanela y limón, mostreime escéptica respecto ó sabor que podería ter un biscoito feito con esta bebida. Unha vez feito e probado, estou totalmente convencida de que se convertirá nun habitual no meu recetario. Ainda que o primeiro bocado resulta raro, polo intenso sabor a baileys; unha vez comido un anaco…o corpo pide máis. Está realmente bo!

Madalenas de aceite (Mojicones)

Etiquetas

galego, madalenas, mojicones, receita

Cando miña irmá Elena (a maior) decide mercar algo para o almorzo, se se achega á zona das madalenas e ve as chamadas “mojicones”; é inevitable que traia para casa unha bolsa deses doces.Por este motivo, cando vin na páxina de Cocinando entre olivos a receita, non puiden evitar gardala para facerlla.

O que máis me chamou a atención desta receta é que non empregaba ningún molde especial para meter os papeis de magdalenas, simplemente os puña sobre a bandexa do forno e xa; algo que para quen non ten máis que 6 moldes de silicona para madalenas, ven moi ben.

Biscoito de chocolate

Etiquetas

bica, biscoito, chocolate

Un deses días nos que unha ten antollo de chocolate, de repente lembra a súa avoa e un biscoito de chocolate moi esponxoso e con un sabor espectacular. Sabendo que xa non conto con miña avoa para preguntarlle pola receita, teño que botar man de internet e buscar un biscoito que poida asemellarse. O resultado non se parecía para nada ó daquel biscoito de miña avoa, pero é un biscoito sorprendente; moi xugoso e con moi bo sabor.

Ingredientes

• 2oo gr de faiña
• 150 gr de chocolate en po
• 100 gr de azucre
• 4 ovos
• 1 sobre de de lévedo en po
• 1 vaso de leite
• 1 vaso de aceite

Pasos

– Botar todo nun recipiente e bater co batedor.

– Poñer nun molde de biscoito previamente untado con manteiga e enfariñado.

– Meter no forno previamente quentado a 200º ata que ó meter un palillo este saia sen masa.

Bica Mantecada

Etiquetas

bica, biscoito, mantecada, manteiga, receita

Esta bica é típica da zona de castro caldelas. A receta “prestouma” miña irmá, e poño entre comiñas o de prestar porque realmente collín a receita polo meu propio pe un día que atopei o seu libro máxico de receitas. É un biscoito xugoso e perfecto para unha sobremesa ó máis puro estilo galego.

Ingredientes

• 250 gr de manteiga
• 500 gr de fariña
• 500 gr de azucre
• 7 ovos
• 1 vaso de leite
• 1 limón
• 1 sobre de lévedo royal

Pasos

– Derreter a manteiga. Engadir o azucre e bater ata formar unha crema.

– Agregar os ovos, o leite, o zume de limón, a fariña e o lévedo e bater de novo ata que se integre toda a mistura.

– Poñer nun molde para biscoito (enmantecar e polvillar fariña no molde para que non se pegue) e polvillar con azucre a capa superior da masa. Enfornar a 180º ata que ó pinchar cun palillo o biscoito a masa non se pegue a el.