Palmeritas de despedida

Etiquetas

azúcar, hojaldre, palmeritas

 

A elaboración deste postre ten un sabor doce e á súa vez amargo. Prepareino para levar á oficina como detalle de despedida. Despois de case 4 anos o meu tempo en Balidea toca o seu fin.

Facer un resumo desta etapa da miña vida é bastante difícil…cando enviei currículo estaba nunha etapa moi complicada da miña vida… desas nas que precisas poñer terra de por medio, sen embargo non me chamaron ata despois de case un ano; cando o que máis quería era seguir na miña terra e preto dos meus. Pero despois de petar en todas as portas que había en Ourense e escoitar sempre que non tiña experiencia…non podía deixar pasar a oportunidade de obtela.

Adaptarme a Compostela e ó traballo nunha consultora foi moi duro. Vir aquí soa, sen coñecer a ninguén e enfrentarme a un ritmo de traballo consistente en estar moitas horas seguidas coa única compaña do ordenador e como moito da radio, foi unha auténtica tortura. Laboralmente aprendía moito pero a soidade era inmensa. Por sorte pronto coñecín a un súper grupo de café que facía non solo que estivese desexando chegar a traballar senon que me animaban a saír, beber…las cosas de siempre (esto creo que era unha canción non?) .

Galletas blanco e negro

Etiquetas

blanco, galletas, negro, receita

A veces pasan cousas na vida cotiá que mesmo parecen incribles. Decidín facer estas galletas un día antes de marchar para Ourense. Mentres cociñaba pensaba na fin de semana e en cómo podería facer para organizar o meu tempo e poder ver á maior cantidade de amigos. Pola miña mente ían pasando horas e xente coa que podería quedar. Pensando xustamente niso apareceu na miña cabeza,como non, o nome de Tania. Levaba xa moito tempo sen vela e moito máis sen ver tanto ó seu mozo Iñigo como ós seus amigos, un grupo co que acostumaba a tomar café a cotío cando estaba na facultade e co que pasei miles de momentos marabillosos. 

Galletas de corazóns

Etiquetas

colorante, corazon, galletas, orixinal, valentin

Atopei estas galletas no blogue de Gabriela, clavo y canela, buscando en google galletas para facer en san Valentín. A verdade é que foi amor a primeira vista, e tiña claro que tiña que facelas canto antes.

Para poñervos en antecedentes, contareivos que  día de San Valentín ten un algo moi especial para min dende fai xa varios anos; concretamente dende aquel 14 de febreiro de 2005 no que recibín unha chamada de teléfono ás 7 da mañá, para contarme que Ainhoa acababa de nacer. Dende aquel día no que me namorei daquela meniña tan pequeniña e fermosa…san Valentín será sempre un día moi importante.

 

Galletas recheas de marmelada

É incrible pensar cómo un pequeno xesto casual pode dar como resultado algo tan fermoso como o que me pasou con estas galletas.

O motivo para facer esta receita foi un paseo polo blogue de kanela y limón (cómo non…) e un bote de marmelada de froitos do bosque sen oficio nen beneficio que tiña na despensa. Comecei a tarefa moi animada polo bonitas que eran e polo reto que podía supoñer acadar o obxectivo, pois nunca fixera nada tan complexo.

 

Galletas dameiro danesas

Esta receta naceu da curiosidade…e de uns rapaces daneses que o meu mozo coñeceu a través do traballo. O caso é que un día, paseando polo supermercado, atopamos unha oferta de galletas danesas. O meu mozo sacoulle unha foto para mandarlla ós rapaces daneses. Un deles dixo que xusto as ía facer caseiras coa familia e que estaban moito mellores que as compradas. Unha oportunidade así non se podía deixar pasar, así que insistín en que pedise a receita. O que nos mandou como receita foron uns enlaces a unhas páxinas danesas (escritas en danés) coa lenda…”sorte co google translate”. Google translate non nos axudou demasiado a traducila, sobre todo na parte de cantidades. O que en fariña traducía por tazas, en azucre traducíao por dl e ata ml (dicir que na receita orixinal poñía dl). O caso é que esta fin de semana acordamos facer unha primeira proba. A condición era que eu so fose unha simple observadora, que axudase coa parte técnica; pero tiña que deixarlle a el probar a facer as galletas. O resultado resultou inmellorable. Unhas galletas moito mellores que as compradas

Galletas de coco

Etiquetas

coco, fácil, galego, galletas, postre, receita

Esta volve ser unha das receitas estrela de miña irmá. Dende que probei estas galletas namoreime delas polo sinxelas que son. Gústanlle a todo o mundo e poden facerse en moi pouco tempo, polo que son ideais para esas ocasións nas que se busca algo rápido e efectivo, xa que calquera cousa que teña que ir ó forno ou teña unha elaboración algo complicada…pode torcerse  xusto o día que queres que saia perfecto. 

Ingredientes

• 1 paquete de galletas maría redondas
• 250 gr de manteiga
• 6 culleradas de azucre
• 2 xemas
• leite
• cogñac
• coco relado

Pasos

– Mesturar con un tenedor a manteiga coas 6 culleradas de azucre e as dúas xemas ata facer unha crema.

– Mollar as galletas en leite con un chorriño de cogñac.

– Facer un sandwich coas galletas remolladas e a crema.

– Unha vez feito o sandwich pasalo por coco relado.

Galletas de Ainhoa

Etiquetas

galletas, nata

A receita destas galletas, saíu dun libro que a miña grandísima amiga Mari me regalou polo meu cumpleanos. Son unhas galletas de nata con un sabor moi rico, ideais para tomar con un café ou con un bo té. A tarde que as fixen, foi a do día que comprei os meus primeiros cortadores de pastas. Esa tarde tiña que recoller á miña sobriña Ainhoa no cole e como estaba chovendo e o de ir ó parque quedaba descartado…decidinme a facelas con ela. A verdade é que disfrutou moito  e cando lle dixen que ía poñer a receita en Internet co seu nome…estaba toda orgullosa. 

Ingredientes

• 1 cunca de nata
• 1 cunca de azucre
• 1 culleriña de bicarbonato
• 3 ovos
• Fariña

Pasos

– Poñer a nata nun recipiente co azure e remexer ata que se disolva o azucre.

– Engadir as xemas dos ovos e o bicarbonato e segir batendo.

– Engadir a fariña pouco a pouco ata conseguir unha masa que poida estenderse co rolo. Engadir a menor cantidade de fariña que se poida.

– Co rolo de cociña extender a masa ata que quede fina (incha co bicarbonato) e cortar as pastas (con un cortador de galletas ou un vaso).

– Pincelar as galletas con clara batida.

– Fornear as galletas a 200º ata que queden douradas

Recomendacións persoais

– Esta receita está feita cunha cunca americana e con fariña para repostaría. Este tipo de fariña soe levar bicarbonato, polo que se se usa unha cunca máis grande ou outro tipo de fariña deberemos engadir máis bicarbonato. Se a cunca é máis pequena usar so dous ovos.