Trufas de voda

Etiquetas

chocolate, mesa dulce, trufas

Fai apenas unhas semanas, asistín a un evento único e sumamente emotivo: a voda de Mary e Juan. Se paseades un pouco polo meu blogue, veredes moitas entradas adicadas a esta parelliña tan querida por min. Ela é a miña mellor amiga…algo máis que unha irmá; e el…pois despois de tanto tempo e de tanto aguantar que lle dea a lata…podo consideralo tamén algo máis que un cuñado!

Dende que anunciaron que se casaban alá polo nadal…estiven agardando que chegase o día con moita ansia. Saber o que para ela significaba dar o si quero e ver as ganas que tiña de que chegase o día, bastaba para que eu estivese ilusionada. Ademáis, o feito de que este paso tan importante o vaia a dar con un home que de seguro a vai facer sumamente feliz; incrementaba a miña ledicia ó 200%.

Bica blanca de Laza

Etiquetas

bica, biscoito, blanca, claras, Laza

Pasados xa os propósitos de ano novo de seguir unha dieta, rota xa por varias veces a promesa de non volver a comer doce ata baixar os quilos que se subiron no nadal e co ambiente cheirando a entroido…creo que é o momento xusto para compartir esta receita.

Seguro que a estas alturas todos escoitástedes falar do entroido de Ourense…dese triángulo máxico formado por Verín-Xinzo-Laza. Se nunca pasástedes un entroido nestas localidades, recoméndovolo moito. Concretamente o de Laza ainda está na miña lista de pendentes…porque o de ir ó que eles chaman farrapada, onde a xente se lía a tirar farrapos todos embarrados e formigas vermellas axitadas con un pouco de vinagre…. ainda me sigue impoñendo algo de respeto. O que si coñezo bastante é o entroido de Xinzo, onde as rúas se enchen de ledicia, de música e de xente e onde non fai falla ir acompañado, porque con un bo disfraz…todos son amigos!!!!

Tronco de coco de nadal

Etiquetas

coco, galletas, nadal, tronco

Esta receita é moi especial para min. Cada vez que vexo este magnífico doce viaxo lnunha máquina do tempo a fai xa demasiados anos, ós días de noiteboa da miña máis tenra infancia. Actualmente, coa excusa de que a miñas sobriñas lles encanta este postre; miña nai faino habitualmente, pero cando eu era unha meniña estaba reservado para a noite de noiteboa.

Cada ano, coma se de un ritual se tratase espertabamos as tres moi cedo para poder axudarlle a miña nai a preparar a mellor cea que puidese existir. O primeiro que había que facer era o dulce de coco e as tres pelexabamos por ver quén facía qué. Antes de comezar o traballo, tocaba ir buscar aquela libreta desgastada na que miña nai anotaba as súas receitas. Sempre nos contaba a historia dun curso de repostería que fixera lembrandose tanto da mestra como da xente coa que estivera e do ben que o pasara.

Panos de masa follada con cabelo de anxo

Etiquetas

améndoa, cabelo de anxo, masa follada

Fai uns días, meu pai falaba de doces cun amigo mentres comíamos; comentáballe que o cabelo de anxo é unha cabaza, e que a el lle gustaba moito. Eu miraba para el con cara rara…xa que meu pai o do doce non é algo que lle emocione. De repente el xirouse, mirou para min e comentoume o mesmo que lle dicía ó seu amigo. Non sei  qué cara lle puxen, pero el creu necesario deixarme claro que lle gustaban os doces con cabelo de anxo. Repetiumo varias veces dicíndome gústame moito, de verdade, de verdade que me gusta moito.

Esta semana pasada o pobre púxose maliño, con un lumbago que o traía doblado de todo; por iso o sábado antes de ir a casa a velos, decidín comprar un bote de cabelo de anxo e un par de láminas de masa follada (que tamén lle gusta moito e é o complemento ideal de calquera postre), para mimalo un pouco.  Con unha das placas fixen panos e coa outra unha trenza. O resultado quedou un pouco torrado, pola complicación que supón usar o forno de gas butano. Tanto a meu pai como a toda a familia nos encantou o doce. Outro postre sinxelo, rápido e exquisito para engadir á colección.

Torta de queixo Isabel

Etiquetas

fresca, queixo, receita, sen forno, torta

Cando comeza a chegar o verán e aparece a calor…como que apetece máis de sobremesa unha torta de queixo que unha con biscoito. Bueno, se somos sinceros unha boa tarta de queixo apetece en verán e en inverno, sobre todo se se pode facer en 10 minutos, sen empregar o forno e sen manchar nin gastar demasiado. E se xa ten o sabor e a textura desta torta…pois fabuloso. Esta receita é un clásico na casa de miña irmá isabel. Unha tarta moi lixeira cun sabor que non deixará indiferente ós amantes das tortas de queixo frías.

Pese a que a receita é de miña irmá Isabel (non sei de onde a quitou ela), a excusa para facer esta torta foi o cumpleanos de miña irmá Elena. Levo xa case dous anos xogando con fondant, e dende que vin o ben que me quedou a primeira torta rematada, cada cumpleanos de familiares e amigos foi acompañado dunha torta decorada con esta pasta doce. Antes de cada evento busco e rebusco para sacar ideas para montar tortas personalizadas. Este ano, para o cumpleanos de miña irmá atopei un deseño que me gustou moito e quixen aprobeitalo para estrear un molde de biscoito de tres pisos que comprara na tenda casa e decorar a torta con fondant. O caso é que o molde resultou ser moito máis pequeno do que eu cría, e para que a torta me saíse ben, non podía rechear o biscoito con nada, motivo polo cal me decidín a facerlle a súa mini torta de fondant so con biscoito e facer unha torta aparte. Como esta torta nos encanta a todos e ainda non estaba no blogue…tirei de libreta de receitas e púxenme ó choio para poder deixarvos esta receita, que sen dúbida se convertirá nun imprescindible para todo aquel que se anime a facela.

Napolitanas de chocolate

Etiquetas

chocolate, napolitanas, nocilla, receitas

Encántanme as receitas que son tan fáciles que todo o mundo pode ter acceso a elas. Ese tipo de receitas nas que con un par de euros e 15 minutos podes facer algo rico rico. Esta receita de hoxe, aparte de económica e sinxela pode solucionarnos o almorzo neses días nos que nos espertamos con antollo de algo doce e non temos ganas de saír da casa.

Phoskitos

Existe algo mellor no mundo que saber que vas coñecer a unha persoa que é a responsable de que a túa parella vaia polo mundo cheirando a hugo boss??? Unha persoa que polo seu traballo ten acceso a perfumes de todo tipo e que encima os regala como eu regalo un biscoito…ou sexa como se un perfume fose algo sen valor.

Souben da existencia deste ser incrible cando vin na casa do meu mozo un bote de hugo boss de 200 ml. Como me pareceu extraño o formato, preguntei de onde o sacara. A súa resposta foi: creo que mo regalou Carlos, é de 200 porque é formato téster. A miña cabeza comezou a fabricar preguntas á velocidade da luz: Quén é Carlos? Por qué che regala perfumes? Por qué de 200?? Por qué téster???Qué tipo de persoa regala un perfume deses???

Pois ben…resulta que Carlos é un amigo seu de toda a vida, que traballa no mundo da perfumería e que de vez en cando lle regala unha colonia ó meu mozo. Dende o día que souben da súa existencia, cada vez que o nombraba dicíalle que mo tiña que presentar, que eu quería coñecer a alguén que regala perfumes.

Galletas recheas de marmelada

É incrible pensar cómo un pequeno xesto casual pode dar como resultado algo tan fermoso como o que me pasou con estas galletas.

O motivo para facer esta receita foi un paseo polo blogue de kanela y limón (cómo non…) e un bote de marmelada de froitos do bosque sen oficio nen beneficio que tiña na despensa. Comecei a tarefa moi animada polo bonitas que eran e polo reto que podía supoñer acadar o obxectivo, pois nunca fixera nada tan complexo.

 

Madalenas de aceite (Mojicones)

Etiquetas

galego, madalenas, mojicones, receita

Cando miña irmá Elena (a maior) decide mercar algo para o almorzo, se se achega á zona das madalenas e ve as chamadas “mojicones”; é inevitable que traia para casa unha bolsa deses doces.Por este motivo, cando vin na páxina de Cocinando entre olivos a receita, non puiden evitar gardala para facerlla.

O que máis me chamou a atención desta receta é que non empregaba ningún molde especial para meter os papeis de magdalenas, simplemente os puña sobre a bandexa do forno e xa; algo que para quen non ten máis que 6 moldes de silicona para madalenas, ven moi ben.

Bavaroise de xelatina

Esta receita busqueina especialmente para meu pai…motivo polo cal a publico hoxe, día do pai. É un postre sacado dunha páxina portuguesa chamada sabores na que hai infinidade de receitas. 

É un postre moi saboroso que a meu pai lle trae recordos da súa terra. Miña tía facía postres deste estilo sempre que iamos a portugal e por iso sei que lle encantan e que con el é un éxito seguro. É un postre fácil e perfecto para as épocas de calor e con so cambiar o sabor das xelatinas teremos un postre distinto cada vez.