Tronco de coco de nadal

Etiquetas

coco, galletas, nadal, tronco

Esta receita é moi especial para min. Cada vez que vexo este magnífico doce viaxo lnunha máquina do tempo a fai xa demasiados anos, ós días de noiteboa da miña máis tenra infancia. Actualmente, coa excusa de que a miñas sobriñas lles encanta este postre; miña nai faino habitualmente, pero cando eu era unha meniña estaba reservado para a noite de noiteboa.

Cada ano, coma se de un ritual se tratase espertabamos as tres moi cedo para poder axudarlle a miña nai a preparar a mellor cea que puidese existir. O primeiro que había que facer era o dulce de coco e as tres pelexabamos por ver quén facía qué. Antes de comezar o traballo, tocaba ir buscar aquela libreta desgastada na que miña nai anotaba as súas receitas. Sempre nos contaba a historia dun curso de repostería que fixera lembrandose tanto da mestra como da xente coa que estivera e do ben que o pasara.

Torta fresca de melocotón

Etiquetas

fresca, melocotón, queixo, torta

A miña nai non lle gusta o doce. Cando temos unha celebración proba a torta, pero so un cachiño pequechiño, e para iso dicindo que é moito. O que si parece disfrutar son as tortas frescas, as de xelatina e as de queixo son as únicas que come o trozo completo e non pide unha lámina. Por ese motivo, na miña casa adaptámonos e “sacrificámonos” pola súa causa…e facemos tantas tortas frescas.

Esta torta fíxenlla a semana pasada para celebrar o seu cumpleanos. Unha torta moi suave e moi rica que lle gustou tanto a ela coma a todos nós e que eu comparto con vós para que tamén a levedes a unha ocasión tan especial como para min é o cumple de miña mami.

New York Cheesecake

Este ano polo meu aniversario, animeime a facer un picnic cos compañeiros de traballo, que todas as mañás amenizan os meus 20 minutos de parada para café; e coa xente que mellor me cae da empresa.

A idea tivo unha moi boa acollida entre todos os invitados. Cada un deles aportou algo á mesa e entre todos pasamos unha tarde xenial. O tema de postre estaba complicado…despois de botar meses ensinandolles fotos do que fago e poñéndolles os dentes largos por non poder probar nada, decidirme por un postre era bastante complicado. Para tratar de unir todos os gustos optei por unha receita que tiña moitas ganas de probar e que é raro que a alguén non lle guste: NEW YORK CHEESECAKE!!!

Torta de queixo Isabel

Etiquetas

fresca, queixo, receita, sen forno, torta

Cando comeza a chegar o verán e aparece a calor…como que apetece máis de sobremesa unha torta de queixo que unha con biscoito. Bueno, se somos sinceros unha boa tarta de queixo apetece en verán e en inverno, sobre todo se se pode facer en 10 minutos, sen empregar o forno e sen manchar nin gastar demasiado. E se xa ten o sabor e a textura desta torta…pois fabuloso. Esta receita é un clásico na casa de miña irmá isabel. Unha tarta moi lixeira cun sabor que non deixará indiferente ós amantes das tortas de queixo frías.

Pese a que a receita é de miña irmá Isabel (non sei de onde a quitou ela), a excusa para facer esta torta foi o cumpleanos de miña irmá Elena. Levo xa case dous anos xogando con fondant, e dende que vin o ben que me quedou a primeira torta rematada, cada cumpleanos de familiares e amigos foi acompañado dunha torta decorada con esta pasta doce. Antes de cada evento busco e rebusco para sacar ideas para montar tortas personalizadas. Este ano, para o cumpleanos de miña irmá atopei un deseño que me gustou moito e quixen aprobeitalo para estrear un molde de biscoito de tres pisos que comprara na tenda casa e decorar a torta con fondant. O caso é que o molde resultou ser moito máis pequeno do que eu cría, e para que a torta me saíse ben, non podía rechear o biscoito con nada, motivo polo cal me decidín a facerlle a súa mini torta de fondant so con biscoito e facer unha torta aparte. Como esta torta nos encanta a todos e ainda non estaba no blogue…tirei de libreta de receitas e púxenme ó choio para poder deixarvos esta receita, que sen dúbida se convertirá nun imprescindible para todo aquel que se anime a facela.

Torta xeada de Wisky

Etiquetas

tarta, wisky, xelado

Todos os anos, miña irmá Elena e máis eu inauguramos o comezo do verán coas festas na Valenzá. Esta urbanización na que ela ten o seu piso e na que eu vivín durante varios dos anos máis felices da miña vida, celebra as festas na honra a San Bernabé…iso ven caendo polo 10 de xuño máis ou menos.

O ritual de todos os anos consiste en invitar a toda a familia a comer á súa casa…e traballar arreo para ofertarlles unha boa paparota antes de ir disfrutar do programa das festas.

Cada ano inventamos algo novo e como ven moita xente e a ela lle gusta ter variedade ata na sobremesa, aprobeito para facer cousas novas para o postre. Este ano tocoulle á famosísima torta xeada de wisky, unha receita que atopei no blogue Atrapada en mi cocina e que me encantou.

Torta de queixo, chocolate blanco e amorodos

A miña mudanza a Santiago colleume nun momento no que o que menos desexaba era deixar Ourense. Encántame a miña cidade das burgas e sobre todo encántame a xente que está alí, xente que me viu medrar como persoa e que estivo ahí para compartir tanto os momentos de ledicia como as penurias.

Virme a Santiago supuxo para min un novo cambio. Deixaba atrás todo o coñecido e volvía a comezar de novo nun sitio no que apenas estivera un par de veces de visita. Lembro os primeiros días no traballo, lembro a morriña que sentía e o moito que usaba o teléfono para escoitar algunha voz amiga. Botaba de menos á miña compañeira de piso, os café-caña con Pili, os paseos por Outariz con Mari, as festas dos xoves, as ceas con Tania…e sobre todo botaba de menos ir a buscar á miña sobriña Ainhoa ó cole…

Torta castelo de princesas

Etiquetas

biscoito, castelo, kit-kat, lacasitos, tarta

Esta torta foi unha sorpresa moi especial para a miña princesa Rapunzel, tamén coñecida como a miña sobriña Ainhoa.  Comecei a facela sen ter moi claro se a idea sairía ben e aquí está o resultado. Miña sobriña estaba como loca coa súa torta de castelo, tanto que ata comeu un cachiño…que por certo estaba moi rico.

Ingredientes

1. Biscoito

• 5 ovos
• 150 gr de azucre
• 100 gr de fariña
• 50 gr de cacao en po

2. Almibre

• 150 ml de auga
• 100 ml de azucre
• zume dunha laranxa

3. Decoración

• Crema de moka
• kit-kat de chocolate con leite
• kit-kat de chocolate branco
• lacasitos
• galletas oreo de chocolate blanco
• cornete de xeado

Pasos

1. Biscoito

– Montar os ovos co azucre ata obter unha crema branqueada e dobre o volumen.

– Mesturar con batedor de man a fariña e o cacao en po.

– Meter no forno a 200º ata que se cociñe o biscoito.

2. Almibre

– Poñer a auga e o azucre a ferver ata que se faga o almibre.

– Engadir o zume de laranxa.

3. Montar a torta

– Cortar o biscoito  pola metade.

– Poñer unha capa de moca (ver receita no link de ingredientes) ne metade do biscoito.

– Cubrir todo o biscoito coa crema de moka.

– Poñer as torres de galleta (montalas  derretindo o chocolate da parte superior para que sirva de pegamento).

– Poñer as tiras de kit-kat polos lados.

– Recubrir a cima da torta con lacasitos e  poñer os cornetos nas torres.

Simulacro de tiramissu

Etiquetas

cumpreanos, fácil, receitas, tarta, tiramissu

Esta é a tarta por excelencia para cando se precisa algo rápido. De feito esta concretamente foi un regalo para a miña compañeira de piso. Chegou un día dicindo que ía facer unha pequena reunión con amigas e con nós por mor do seu aniversario, tiña todo preparado excepto a tarta. O seguinte que fixen foi ir ó súper e coller todo o que precisaba para montar esta tarta. O resultado quedou moi bonito e ela quedou contentísima. Unha receita única para tartas express. Tendo os ingredientes está lista en media hora.

Ingredientes

• 1 paquete de galletas cuadradas
• 500 ml de tona
• café
• wisky
• cogñac
• azucre
• nubes
• flores de decoración
• birutas de chocolate

Pasos

– Facer unha mistura con unha medida de café e a metade da medida de wisky e cogñac. Engadir azucre e remexer.

– Montar a tona e engadirlle azucre ó gusto.

– Mollar as galletas na mistura de café e facer unha placa do tamaño desexado.

– Poñer unha capa de tona.

– Alternar capas de galletas e tona ata a altura desexada.

– Decorar con birutas de chocolate, flores de decoración e nubes de azucre.

Torta 3 chocolates de queixo

Etiquetas

chocolates, queixo, receita, tarta, tres

Ingredientes

• 200 gr de galletas de chocolate
• manteiga derretida
• 4 follas de xelatina incolora
• 200 ml de nata
• 600 gr de queixo philadelphia
• 2-3 culleradas de azucre
• 100 gr chocolate negro
• 100 gr chocolate con leite
• 100 gr chocolate branco

Pasos

– Triturar as galletas, mesturalas coa manteiga derretida e un chorriño de leite. Cubria a base dun molde desmontable coa mistura.

– Abrandar a xelatina en auga fría.

– Bater a nata ata que quede firme.

– Bater o azucre co queixo ata obter unha crema suave. Engadir a nata e bater de novo.

– Escorrer a xelatina. Engadir tres culleradas sopeiras do preparado anterior e poñer ó lume ata que a xelatina se derreta. Engadir a crema restante e remezclar.

– Dividir a crema en tres partes. A cada parte engadirlle un dos chocolates, previamente derretidos ó baño maría.

– Poñer culleradas das tres cremas sobre a base de galletas ata que se acaben. Alisar a superficie e meter no frigorífico.

Torta 3 chocolates

Etiquetas

chocolates, fácil, rápida, tarta, tres

Adoro o chocolate! Para min non existe antollo de doce que non conteña algo de chocolate. Agora será cando a xente diga…a todo o mundo lle gusta o chocolate. Crédeme cando vos digo que non a todo o mundo…existe xente rariña por ahí que non disfruta deste placer de deuses. Este non é o caso do mozo da miña gran amiga Tania. A el encántalle o chocolate e é un dos máis ferventes admiradores dos meus postres. O nome deste blog ven un pouco a causa del, así como o motivo para facer esta tarta. El quería unha tarta con extra de chocolate e esta superou as súas expectativas e as de todo o grupo.

Respecto ó do nome do meu blog, resulta que un dos meus grupos de amizades chámanme de apelativo cariñoso Teixi. Por qué teixi? Pois porque é o diminutivo de Teixeira, o meu marabilloso pobo. Sempre falo do meu pobo e inchaseme o peito, porque é o máis bonito e o máis mellor do mundo; de ahí que usasen o meu diminutivo. Este blog naceu para evitar quedar con eles, levar un postre e pasar dez minutos copiandolle a receta a todos. Un día pensei que se creaba un blog, eles poderían acceder e eu podería ter unha compilación de receitas da que botar man. E aquí estamos…tentando sacar este proxecto adiante.

Ingredientes

• 3 sobres de callada
• 250 gr de chocolate negro/fondant
• 250 gr de chocolate con leite
• 250 gr de chocolate branco
• 750 ml  de nata
• 750 ml de leite
• 150 gr de azucre
• 1 paquete de galletas maría
• 1 cullerada de manteiga
• 1 chorriño de leite

Pasos

– Triturar as galletas coa manteiga derretida e o chorriño de leite.. Cubrir a base dun molde desmontable coa mistura.

– Poñer nun cazo 250 ml de leite, 250 ml de nata,  250 gr de chocolate negro, 75 gr de azucre e un sobre de callada. Ferver  a mistura remexendo para que non se pegue. Engadir ó molde.

– Repetir a operación cos outros dous chocolates tendo en conta que a mistura de chocolate branco non leva azucre. Botar cada capa unha vez callada a anterior.