Torta de queixo Isabel

Etiquetas

fresca, queixo, receita, sen forno, torta

Cando comeza a chegar o verán e aparece a calor…como que apetece máis de sobremesa unha torta de queixo que unha con biscoito. Bueno, se somos sinceros unha boa tarta de queixo apetece en verán e en inverno, sobre todo se se pode facer en 10 minutos, sen empregar o forno e sen manchar nin gastar demasiado. E se xa ten o sabor e a textura desta torta…pois fabuloso. Esta receita é un clásico na casa de miña irmá isabel. Unha tarta moi lixeira cun sabor que non deixará indiferente ós amantes das tortas de queixo frías.

Pese a que a receita é de miña irmá Isabel (non sei de onde a quitou ela), a excusa para facer esta torta foi o cumpleanos de miña irmá Elena. Levo xa case dous anos xogando con fondant, e dende que vin o ben que me quedou a primeira torta rematada, cada cumpleanos de familiares e amigos foi acompañado dunha torta decorada con esta pasta doce. Antes de cada evento busco e rebusco para sacar ideas para montar tortas personalizadas. Este ano, para o cumpleanos de miña irmá atopei un deseño que me gustou moito e quixen aprobeitalo para estrear un molde de biscoito de tres pisos que comprara na tenda casa e decorar a torta con fondant. O caso é que o molde resultou ser moito máis pequeno do que eu cría, e para que a torta me saíse ben, non podía rechear o biscoito con nada, motivo polo cal me decidín a facerlle a súa mini torta de fondant so con biscoito e facer unha torta aparte. Como esta torta nos encanta a todos e ainda non estaba no blogue…tirei de libreta de receitas e púxenme ó choio para poder deixarvos esta receita, que sen dúbida se convertirá nun imprescindible para todo aquel que se anime a facela.

Bisocoito de chocolate para tartas

Etiquetas

biscoito, receita, torta

Un dos maiores problemas á hora de preparar unha torta é acertar co biscoito. Un biscoito demasiado aceitoso pode facerse forte, se é moi seco non estará moi bo e así un sen fin de problemas. Se a torta é para cubir de fondant…a cousa complícase, xa que os recheos para fondant non poden ser húmidos.

A busca do biscoito perfecto leva de cabeza a case todo o mundo. En cada blogue hai un biscoito que di ser infalible de base para tortas. O que publico hoxe é o biscoito de chocolate infalible de con un toque de azúcar. Non creo que sexa o biscoito de chocolate definitivo para as miñas tortas, pero sen dúbida dos que probei ata o momento é a mellor opción. Un biscoito firme e consistente, con moito sabor a chocolate, que soporta ben calquera tipo de recheo. Mentres sigo coa busca…aquí vos queda este!

Orange curd

Etiquetas

crema, curd, orange, receita

Esta receita saiu do blogue uno de dos. Trátase dunha crema tipo pasteleira que se elabora con zume de cítricos no canto de leite. A súa orixe é inglesa e está realmente boa. Serve tanto para recheos de tartas como para acompañamentos con doces tipo scones, para untar con pan…ou para comer a culleradas. Eu empregueina como recheo da tarta de cumpleanos de miña sobriña pequena, combinada con un biscoito de chocolate que publicarei máis adiante. 

Galletas blanco e negro

Etiquetas

blanco, galletas, negro, receita

A veces pasan cousas na vida cotiá que mesmo parecen incribles. Decidín facer estas galletas un día antes de marchar para Ourense. Mentres cociñaba pensaba na fin de semana e en cómo podería facer para organizar o meu tempo e poder ver á maior cantidade de amigos. Pola miña mente ían pasando horas e xente coa que podería quedar. Pensando xustamente niso apareceu na miña cabeza,como non, o nome de Tania. Levaba xa moito tempo sen vela e moito máis sen ver tanto ó seu mozo Iñigo como ós seus amigos, un grupo co que acostumaba a tomar café a cotío cando estaba na facultade e co que pasei miles de momentos marabillosos. 

Donuts

Etiquetas

donuts, receita, roscas

Se hai un producto que me  leva á miña época de pequena, eses son os donuts. Moitas veces comento con miña irmá que agora os donuts non saben como fai anos, ela respóndeme que siguen estando moi bos e que o que pase é que agora os comemos con moita máis frecuencia e por iso os apreciamos menos.

Niso que ela me di ten razón, si é certo que siguen estando bos, pero o que si é  moi certo é que cando eramos pequenas apreciabamos moito máis as galdrumadas, porque non tiñamos tanto acceso a elas. Vivindo nun pobo aislado no medio da serra de San Mamede, ó que viñan de seguido vendedores ambulantes a traernos case todo; meus pais apenas ían ó supermercado. Podían pasar semanas sen que eles fosen a ningures e os vendedores traían cousas de primeira necesidade. 

O día que saían do pobo e pasaban polo supermercado, soían traernos algo. Nunca faltaba un tubo de lacasitos para cada unha e, sempre que había; traían unha caixa daquelas grandísimas de donuts. Duraban un suspiro!!!

Biscoito de Baileys

Etiquetas

baileys, biscoito, galego, receita

Cando vin a receita deste biscoito no blogue de kanela y limón, mostreime escéptica respecto ó sabor que podería ter un biscoito feito con esta bebida. Unha vez feito e probado, estou totalmente convencida de que se convertirá nun habitual no meu recetario. Ainda que o primeiro bocado resulta raro, polo intenso sabor a baileys; unha vez comido un anaco…o corpo pide máis. Está realmente bo!

Madalenas de aceite (Mojicones)

Etiquetas

galego, madalenas, mojicones, receita

Cando miña irmá Elena (a maior) decide mercar algo para o almorzo, se se achega á zona das madalenas e ve as chamadas “mojicones”; é inevitable que traia para casa unha bolsa deses doces.Por este motivo, cando vin na páxina de Cocinando entre olivos a receita, non puiden evitar gardala para facerlla.

O que máis me chamou a atención desta receta é que non empregaba ningún molde especial para meter os papeis de magdalenas, simplemente os puña sobre a bandexa do forno e xa; algo que para quen non ten máis que 6 moldes de silicona para madalenas, ven moi ben.

Flan de pan bimbo

Etiquetas

bimbo, flan, galego, pan, receita

Santi era o único neno da miña idade que había no meu pobo, motivo polo cal para min segue a ser coma un irmán. Pasamos toda a nosa infancia xuntos e ainda a día de hoxe cando nos vemos podemos pasar horas disfrutando o un da compaña do outro. Pois ben, este flan é unha receita de súa nai; polo que velo na miña casa (cando o fai miña nai) ou facelo tráeme lembranzas de tempos inesquecibles. Un gran postre sen lugar a dúbidas.

Ingredientes

• 1 paquete de pan bimbo
• 1 paquete de flan royal
• licor cafe

Pasos

– Facer o flan royal segundo as instruccións.

– Caramelizar un molde e botar un pouco flan no fondo do molde.

– Poñer unha capa de pan de molde.

– Humedecer o pan de molde con licor café rebaixado en auga.

– Engadir máis flan.

– Seguir facendo capas ata rematar o flan.

– Deixar arrefriar e desmoldar ó día seguinte.

Galletas de coco

Etiquetas

coco, fácil, galego, galletas, postre, receita

Esta volve ser unha das receitas estrela de miña irmá. Dende que probei estas galletas namoreime delas polo sinxelas que son. Gústanlle a todo o mundo e poden facerse en moi pouco tempo, polo que son ideais para esas ocasións nas que se busca algo rápido e efectivo, xa que calquera cousa que teña que ir ó forno ou teña unha elaboración algo complicada…pode torcerse  xusto o día que queres que saia perfecto. 

Ingredientes

• 1 paquete de galletas maría redondas
• 250 gr de manteiga
• 6 culleradas de azucre
• 2 xemas
• leite
• cogñac
• coco relado

Pasos

– Mesturar con un tenedor a manteiga coas 6 culleradas de azucre e as dúas xemas ata facer unha crema.

– Mollar as galletas en leite con un chorriño de cogñac.

– Facer un sandwich coas galletas remolladas e a crema.

– Unha vez feito o sandwich pasalo por coco relado.

Flan de chocolate blanco

Etiquetas

branco, chocolate, flan, galego, receita

Dende o día que comecei a traballar en Santiago de Compostela o mellor día de todos foi aquel no que á hora de saír do traballo tiña 9 chamadas perdidas no móbil de Mari. Totalmente preocupada polo que lle puidese pasar, chameina inmediatamente e escoiteille dicir que saise  á entrada do traballo; lugar no que me esperaba co que daquelas era un gran amigo. Despois dese día as visitas deles dous convertíronse en frecuentes e a relación pasou de amizade a noivado. Juanlu, que así se chama o afortunado é un gran amante do chocolate blanco e esta receita é unha maneira de agradecerlle que me trouxese a Mari de visita. Sobra dicir que lle encantou…ATA LEVOU TUPPER!!!

Ingredientes

• 1 litro de tona
• 1 paquete de flan royal
• 125 gr de chocolate branco

Pasos

– Poñer nunha pota a nata co chocolate troceado e o flan disolto nun vaso de leite.

– Poñer ó lume removendo de vez en cando ata que ferva e se disolva o chocolate.

– Poñer nun molde caramelizado.